Fenomeni i ngrohjes globale vijon të ndjehet kudo.  Rritja e temperaturave do të shkrijë pjesën më të madhe të akullit që përcakton ekosistemin e Alpeve deri në fund të shekullit, sipas shkencëtarëve zviceranë.

“Nëse bota do të arrijë të përmbush objektivat aktuale për mbrojtjen e klimës për të mbajtur ngrohjen globale nën dy gradë, në krahasim me nivelet paraindustriale, dy të tretat e akujve në Vargun Malor Europian do të zhduken nga viti 2100”, thanë shkencëtarët e Universitetit ETH në Cyrih.

“Nëse ndryshimi klimatik dhe prodhimi i gazeve me efekt serë vazhdon të rritet, Alpet nuk do të kenë gati aspak akuj deri në vitin 2100, përveç disa zonave të izoluara në nivelet më të larta”, theksoi bashkautori i këtij studimi, Matthias Huss.

Sipas tyre, gjysma e akullit në majat e Alpeve do të zhduket deri në vitin 2050 në çdo rast, pavarësisht se nëse gazet që nxehin atmosferën do pakësohen ose jo.

 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb