Konsumatorët në mbarë botën sot në mëngjes kanë pasur probleme me qasjen në platformën online Amazon.com, ndërsa kompania njoftoi se ndërkohë e ka zgjidhur problemin.

Sipas faqes ”Dawn Detector”, shërbimet online të Amazon ishin ndërprerë për gati dy orë, ndërsa më shumë se 38 000 përdorues njoftuan se kishin probleme me qasjen në dyqanet e Amazonit.

Problemi së pari u shfaq mbrëmë në SHBA dhe mëngjesin e sotëm në pjesën më të madhe të botës.

”Disa shfrytëzues kishin probleme të përkohshme me blerjet. Ne e kemi zgjidhur çështjen dhe tani po punojmë normalisht”, deklaroi një zëdhënës i Amazon, por ai refuzoi të komentonte arsyet e ndërprerjes.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb