Një anije tregtare që transportonte produkte ushqimore ka marrë flakë në ujërat e portit strategjik të Adenit në pjesën jugore të Jemenit, tha një zyrtar qeveritar.
Zyrtari lokal tha në kushte anonimiteti se një zjarr përfshiu dhomën e motorit të një anijeje indiane gjatë natës. Shtatë marinarët indianë në bord u shpëtuan nga autoritetet lokale.
Ai konfirmoi se disa nga marinarët u plagosën dhe u transferuan në një spital aty pranë për trajtim në Aden, dhe një skuadër zjarrfikëse u dërgua në vend.
Anija indiane po transportonte lloje të ndryshme të produkteve ushqimore dhe po shkonte për në portin e Berberës në Somali, tha zyrtari, duke shtuar se shkaqet e incidentit nuk dihen ende.