Napoli është në krizë të thellë rezultatesh, por edhe identiteti. Atmosfera në dhomat e zhveshjes është totalisht një katastrofë, me një ndarje të thellë mes klubit dhe futbollistëve më të rëndësishëm. Kjo situatë e vështirë u konfirmua në ndeshjen e fundit, ku skuadra e drejtuar nga Carlo Ancelotti nuk shkoi më shumë se barazimi pa gola kundër Genoa. Por më shumë se kaq, ajo pritet të ndikojë edhe në merkato.

Me valixhe në dorë është Dries Mertens, ndërsa menjëherë kërkon të përfitojë Inter. Sipas mediave italiane, klubi zikaltër ka vendosur menjëherë kontaktet me sulmuesin belg dhe pritet të jetë ai dhurata e madhe për Antonio Conte në merkaton e dimrit.
(balkanweb)