KOSOVË

Pas arrestimit të debatuar të Nazir Mehmetajt në Serbi, një emigrant kosovar në Zvicër i cili shkoi në Beograd për kurimin e nënës së tij ka reaguar ministri i jashtëm i Kosovës, Behgjet Pacolli.

Ai thotë se e dënon arrestimin e kosovarit si një përndjekje politike e Serbisë ndërkohë shton se me anë të Zyrën së ndërlidhjes në Beograd do të sigurohet lirimi i tij.

Nezir Mehmetaj nga fshati Rudicë e Klinës, të premten është ndaluar nga Policia serbe në pikën kufitare “Merdare”. Ai kishte ardhur për pushime në atdhe por për shkak se kishte nënën e tij të sëmurë kishte vendosur ta çonte për analiza në Beograd. Ndërkohë që nëna e tij dhe një kushëri u liruan, familja e Mehmetajt di vetëm që ai është dërguar në Beograd.