Deputeti i PD, Edi Paloka, i ftuar në emisionin “Kjo Javë” në News 24, me moderatorë Nisida Tufën, i pyetur për lajmin më të bujshëm të kësaj jave, arrestimin e kryebashkiakut Erion Veliaj, u shpreh se ishte në dijeni para se urdhri i SPAK të ekzekutohej.
Ndërsa e ka cilësuar këtë vendim, të vonuar, por shumë të rëndësishëm, Paloka ka rrëfyer se në telefonin e tij ka ardhur mesazhi për arrestimin e Veliajt të cilën e ka përcjellë direkt tek grupi i WhatsApp të grupit të PD.
“Pa e menduar që aksioni i Ramës do të ishte arrestimi, në momentin që Berisha doli në konferencë për shtyp me të dërguarin e Trump, LaCivita, shkrova në grup se tani prisni që Rama të sajojë ndonjë lajm për të sfumuar këtë”, tha ai.
Edi Paloka: Unë e mendoja arrestimin, për Velinë kam thënë që këtë nuk e arrestojnë se i duhet për zgjedhje, por ky ishte i vetmi lajm që mund të sfumonte lajmin e ardhjes së LaCivita.
Për pak minuta më ka ardhur dhe lajmi se mund të arrestohej Veliaj dhe ende nuk ishte ekzekutuar dhe e kam shkruar dhe këtë në grupin e deputetëve.
Aty janë mesazhet e shkruar. Madje ata nuk e besuan dhe u tallën, më thonin, ti po thua që e arrestojnë, por ai është në media live. Por unë u thashë që ai ka qenë në media live, dhe kur ndodhej në Meksikë, mos u habisni me këtë u thashë, dhe në fakt doli që u arrestua.
Nisida Tufa: Ju funksionojnë ende burimet si gazetar apo jo?
Edi Paloka: Vazhdoj t’i ruaj ca burime…
(BalkanWeb)
