Dy persona kanë rënë në pranga dhe një tjetër është proceduar penalisht për vepra të ndryshme penale.

Uniformat blu bëjnë me dije se është arrestuar 30-vjeçari M. M., banues në fshatin Polizhan, Dibër, pasi u kap nga shërbimet e Policisë Rrugore  duke drejtuar mjetin  në gjendje të dehur.

Gjithashtu në pranga ka rënë 40-vjeçari L.P., pasi duke drejtuar mjetin në gjendje të dehur është përplasur me një shtyllë ndriçimi. Sakaq gjatë kontrollit në automjet iu gjetën një sasi e vogël lëndë e dyshuar kokainë.

Ndërkohë 65-vjeçari B.K., është proceduar penalisht, pasi është kapur duke drejtuar mjetin në gjendje të dehur në aksin Librazhd-Qafë-Thanë.

Elbasan

Arrestohen në flagrancë 2 shtetas dhe procedohet penalisht një tjetër, për vepra të ndryshme penale.

Specialistët e Trafikut Urban dhe Interurban pranë DVP Elbasan, bënë arrestimin në flagrancë për veprën penale “Drejtimi i automjeteve në mënyrë të parregullt” të shtetasit M. M., 30 vjeç, banues në fshatin Polizhan, Dibër. Ky shtetas u kap nga shërbimet e Policisë Rrugore duke drejtuar mjetin në gjendje të dehur.

Gjithashtu u precedua penalisht shtetasi B. K., 65 vjeç, banues në Tiranë, pasi në aksin rrugor Librazhd- Qafë –Thanë, u kap duke drejtuar mjetin në gjendje të dehur.
———-
Specialistët e Sektorit për Hetimin e Narkotikëve në DVP Elbasan, bënë arrestimin në flagrancë për veprën penale “Prodhimi dhe shitja e narkotikëve”, “Shkatërrimi i pronës” dhe Drejtimi i automjeteve në mënyrë të parregullt” të shtetasi, L. P., 40 vjeç, banues në Elbasan.

Ky shtetas në lagjen “Luigj Gurakuqi” duke drejtuar në gjendje të dehur mjetin tip “Renault”, është përplasur me një shtyllë ndriçimi. Shërbimet e Policisë gjatë kontrollit fizik të ushtruar ndaj këtij shtetasi gjetën dhe sekuestruan në cilësinë e provës materiale një sasi të vogël lënde narkotike të dyshuar kokainë.

Materialet i kaluan Prokurorisë së Rrethit Gjyqësor Elbasan për veprime të mëtejshme.

(BalkanWeb)