Për policinë ai është serial killeri i Stockton. Quhet Wasley Brownlee dhe është ndaluar në banesën e tij ku ishte i armatosur dhe gati për të bërë një vrasje të re.
Sipas një rindërtimi të parë të ngjarjes policia ka mbërritur tek burri falë një qytetari. Ata filluan survejimin dhe më pas hynë në aksion sepse besonin se një sulm ishte i pashmangshëm. I dyshuari ishte i armatosur, i veshur me errësirë dhe me maskë. “Sjellja e tij – tha një zyrtar – është në përputhje me atë që ne kemi mbledhur gjatë hetimeve”.
Bronwnlee, 43 vjeç, ka një numër të madh precedentësh penale, por për momentin nuk është zbuluar zinxhiri i vrasjeve.
Në orët në vazhdim do të shihet nëse të gjitha akuzat kanë lidhje me personin e ndaluar.
Episodi i parë i vrasjeve ka ndodhur në 2021.
Episodi i parë ndodhi në vitin 2021, më pas pasuan sërish raste të tjera në zonën e qytetit kalifornian, 6 të vdekur dhe një grua e plagosur. Të gjitha ngjarjet kanë ndodhur në agim dhe gjatë natës, me viktimat të befasuar teksa ndodheshin vetëm në rrugë ose në makinë. Disa javë më parë, autoritetet kërkuan ndihmë duke ofruar një shpërblim prej mbi 100,000 dollarë për këdo që jepte të dhëna të dobishme identifikimi. Përveç kësaj, është publikuar një video ku shihet një figurë afër njërës prej skenave të krimit. Pamje të paqarta që tregonin, sipas hetuesve, një person që mund të ishte i përfshirë ose ishte në gjendje të tregonte diçka.
