TIRANE
Këngëtarja e njohur, Mariza Ikonomi ka zgjedhur ta kujtojë në mënyrën më të veçantë profesorin e saj të muzikës, të ndjerin Françesk Radi. Ajo ka publikuar një foto së bashku me të në llogarinë në ‘Insagram’, duke i dedikuar Radit fjalët më të ndjera.
“Eh profesor i dashur…Nuk e harroj kurrë momentin kur erdhe në Pallat te Pionierit dhe kërkojë një vajzë të vockël për të kënduar këngën “Telefonate Zemrash”. Nuk e harroj kurrë momentin kur me zgjodhe mua.
Vërtet me zgjodhe mua por edhe un te zgjodha ty , qe kur pashë tek ty një Artist të Madh me një profesionalitet të hekurt dhe një zemër të pastër e të kulluar si ajo e një fëmije ashtu siç isha edhe un. Mezi prisja orët e provave që të këndoja këngën. Ajo këngë vërtet ishte dhe mbeti një thirrje e bukur zemre dhe sot rreh edhe me fort në zemrën time dhe vazhdon këndon… A mund t’ia shuajmë diellit atë zjarr, a mund ta shterim një oqean,
Ashtu nuk treten edhe ndjenjat e mia për ty , le të jemi sado larg Profesor, mik i dashur…. #3vjetpaty”- shkruan këngëtarja në Intagramin e saj.
(BalkanWeb)