LIBI-Kryeministri libian, Fayez Sarraj, i dalë nga qeveria e unitetit kombëtar, i mbijetoi dje një atentati kur autokolona e makinave, ku gjendej edhe ai, u sulmua me armë zjarri në rrugën drejt qytetit Misurata
Lajmi u njoftua sot nga agjencia zyrtare egjiptiane e lajmeve, MENA, që citon burime të mirëinformuara.
Në tekstin e shpërndarë dje në mbrëmje vonë, MENA saktëson se Sarraj vinte nga qyteti Zliten, ku kishte ngushëlluar autoritetet vendase për dhjetëra viktimat e shkaktuar nga një kamion-bombë kundër një kampi stërvitor policie, sulm i marrë përsipër nga DAESH-i.
”Sarraj ndërpreu më pas udhëtimin me makinë për në Misurata për ta vazhduar me helikopter”, njoftoi MENA.
DAESH-i në Libi kontrollon qindra kilometra katrorë territor në qendër të vendit.
(d.d/BalkanWeb)