Trupat ushtarake ruse janë larguar nga Khersoni, ndërkohë që qytetarët ukrainas janë në një gjendje feste të vërtetë.
Videot e shpërndara në rrjetet sociale tregojnë qytetarët që këndojnë, kërcejnë dhe brohorasin të lumtur që edhe një zonë tjetër është tashmë nën zotërimin e tyre.
Në një nga videot e shpërndara në Twitter, duket se si ushtarë e banorë festojnë fitoren.
Mood in evening Kherson 🇺🇦🍉😽#Ukraine #Kherson pic.twitter.com/kk5OdeRWRp
— Special Kherson Cat 🐈🇺🇦 (@bayraktar_1love) November 11, 2022
Trupat ukrainase u përshëndetën të premten nga banorë të lumtur në qendër të Khersonit pasi Rusia braktisi të vetmin kryeqytet rajonal që kishte pushtuar që kur filloi agresionin në shkurt.
Më herët, ministria e Mbrojtjes së Rusisë tha se kishte përfunduar tërheqjen e saj nga bregu perëndimor i lumit Dnipro, ku shtrihet Khersoni.
(BalkanWeb)