Dita e sotme nuk ka sjlle atmosferë ndryshe në qytetin e Elbasanit ashtu siç jemi mësuar të shohim gjithmonë sa herë luan kombëtarja. Siç ishte paralajmëruar edhe në media, interesimi i tifozëve për ndeshjen me Lihtenshtejn, edhe pse është e para për trajnerin Christian Panucci, ka qenë i vakët.

Deri në mëngjes ishin shitur rreth 2 mijë bileta, por dy orë para ndeshjes, në qytetin e Elbasanit dhe sidomos në zonën rreth stadiumit, atmosfera e zakonshëm festive kur luajnë kuqezinjtë thuajse nuk ndjehej.

Si gjithmonë në sida të tilla, rreth e qart stadiumit janë vendosur forca të shumta policie, të cilat këtë radhë binin më shumë në sy për shkak të mungesës së tifozerisë.

Edhe bulevardi para stadiumit, i cili është zakonisht i mbushur nga tifozët, sot ishte thuajse i boshatisur, edhe pse kuqezinjtë do të zbrisnin në fushë pas pak më shumë se një ore.

(e.k/BalkanWeb)