Duke nisur nga dita e nesërme, të gjithë banorët e Nju Jorkut, mbi moshën 30 vjeç do të lejohen të vaksinohen.

Pra do të ulet kufiri i moshës së të vaksinuarve, që aktualisht është për personat mbi 50 vjeç. Autoritetet kanë njoftuar se nga e marta e 6 prillit, vaksinat do të injektohen tek personat mbi 16-vjeç.

“Sot ne bëjmë një hap monumental përpara në luftën për të mposhtur COVID-19″, ka thënë guvernatori Andrew Cuomo gjatë një konference shtypi të hënën.

“Ne mund ta shohim dritën në fund të tunelit, por derisa të shkojmë atje është më e rëndësishme se kurrë që secili t’i respektojë masat”, shtoi më tej.

Sipas të dhënave, vetëm brenda kësaj të hëne, janë vaksinuar plot 9 milionë qytetarë në të gjithë territorin amerikan.

(BalkanWeb)