“2 mijë të vdekur mes tyre mbi 100 fëmijë”. Ky është bilanci i viktimave në qytetin e dytë më të madh të Ukrainës, Kharkiv, ku rusët janë duke zhvilluar luftime të ashpra për të marrë qyteti.

Lajmi është konfirmuar nga presidenti i këshillit rajonal të qytetit, Serhiy Chernov.

“Fshati Iakevo në zonën e Kharkivit është shkatërruar, ka shumë vdekje në atë zonë. Tani për tani po organizojmë punën e qendrës së koordinimit me njësitë më të vogla. Po kujdesemi dhe për të gjithë qytetarët, u dërgojmë ilaçe dhe ushqime”, tha Chernov.

Duket se rusët kanë objektiv të tyre për të marrë Kharkivin dhe Kievin. Betejat më të ashpra ato janë duke i zhvilluar në këto zona. Vlen të përmendet se edhe pse janë zhvilluar dy raunde bisedimesh për vendosjen e armëpushimit, një marrëveshje mes dy vendeve ende nuk është vendosur.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb