Fama e Ava Max këngëtares me origjinë shqiptare po rritet çdo ditë e më shumë.

Ylli i muzikës jo vetëm që po bashkëpunon me emra të njohur të muzikës ndërkombëtare, por ka filluar të kërkohet edhe nga kompanitë për realizimin e reklamave.

Së fundmi, Ava ka lajmëruar se do të jetë imazhi i ri i “Fiatit”, që e ka konsideruar 25-vjeçaren si një nga këngëtaret më të mëdha të pop-it.

Këngëtarja do promovojë “Panda Trussardi”, ndërsa në ditët në vijim pritet të publikojë detaje të reja nga projekti.

“Një nga këngëtaret më të mëdha të pop-it ndonjëherë dhe një nga qytetet më elegante. Duket sikur diçka e mahnitshme do të ndodhë”, shkruan “Fiat”.

Vetëm dy ditë më parë Ava publikoi këngën “Slow dance” në bashkëpunim me këngëtarin AJ Mitchell, që ka arritur mbi 222 mijë klikime.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: