Avokati Alban Duraj, i ftuar në emisionin “Koha për t’u zgjuar” në News24, ka analizuar situatën e kompanive telefonike në Shqipëri, duke theksuar problematikat kryesore që prekin konsumatorët.

Sipas tij, një nga çështjet më shqetësuese është momenti i përfundimit të kontratës, ku shpesh kompanitë tregojnë indiferencë ndaj qytetarëve, qoftë në ofrimin e shërbimeve apo në politikat e çmimeve. Ai theksoi se Autoriteti i Konkurrencës ka një rol kyç në mbikëqyrjen e tregut dhe ka ndërhyrë në raste të abuzimit me masat e tij.

Duraj kujtoi gjithashtu se historiku ka treguar raste të marrëveshjeve të fshehta mes operatorëve, të cilat kanë çuar në oferta të njëjta dhe sjellje të dyshimta në treg.