Pas golit ndaj Andorrës, sulmusi i Kombëtares shqiptare e ka gjetur rrugën e rrjetës edhe me ekipin e tij në Rusi duke konfirmuar formën e mirë që po kalon. Pas kthimit në Rusi, shkodrani shënoi fillimisht javën e shkuar në ndeshjen ndaj Spartak Moskës, ndërsa të hënën e gjeti rrugën e rrjetës përsëri.
Ky ishte goli i tretë për Balajn në kampionat këtë sezon, që ishte i kushtëzuar nga lëndimet e shumta. 28-vjeçari ka kontribuar në fitoren e Akhmat Groznit, në fushën e Orenburgut. Balaj shënoi golin e tretë, duke e fiksuar rezultatin në 3-1. Sulmuesi u gjet i lirë në zonë dhe shënoi përballë portierit.