Drejtuesi politik i Partisë Socialiste për qarkun e Elbasanit, Taulant Balla zhvilloi sot një vizitë në fabrikën e montimit e aparateve mjekësore aerosol që përdoren për trajtimin e sëmundjeve të ndryshme të frymëmarrjes.

Balla deklaroi se fabrika me teknologjinë më të lartë të teknikës mjekësore është ndërtuar falë bashkëpunimit me firmën gjermane Pari GmbH, e cila është lidere botërore për aparatet e frymëmarrjes.

Sipas Ballës, klima e mirë e ndaj biznesit dhe bashkëpunimi me Gjermaninë po shtrihet edhe në prezencën e shtuar të bizneseve gjermane në Shqipëri.

STATUSI NGA TAULANT BALLA

Klima e mirë e ndaj biznesit dhe bashkëpunimi me Gjermaninë 🇦🇱🤝🇩🇪 po shtrihet edhe në prezencën e shtuar të bizneseve gjermane. Në Elbasan është ngritur një fabrikë me teknologjinë më të lartë të teknikës mjekësore falë bashkëpunimit me firmën gjermane Pari GmbH, e cila është lidere botërore për aparatet e frymëmarrjes.

Kjo kompani e cila operon në Elbasan bën montimin dhe shitjen e aparateve mjekësore aerosol që përdoren për trajtimin e sëmundjeve të ndryshme të frymëmarrjes.

Por ajo që është për t’u vlerësuar është modeli gjerman i cili nuk ka lënë pas anën humanitare. Rreth 70 fëmijë, nga familje vulnerabël të zonës, marrin shërbime në qendrën ditore të ndërtuar nga kompania, shërbim ekonomik, edukativ, mjekësor, duke i ndihmuar edhe me ilace familjet në nevojë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb