Drita dhe Gjilani kanë barazuar pa gola në derbin e madh të Anamoravës. Ndeshja e xhiros së 33-të u mbyll pa fitues, çka bëri që matematikisht Ballkani të shpallet kampion i Kosovës në futboll, ende pa i zhvilluar edhe katër javë.

Momentalisht, Ballkani ka 70 pikë, 11 më shumë se Gjilani dhe 13 më shumë se Drita, që kanë edhe nga tri ndeshje të mbetura. Ky është titulli i parë për ekipin nga Suhareka. Ata e dominuan në shumicën e kohës kampionatin, duke e fituar me plot meritë.

Një sukses edhe trajnerin Ilir Daja, që pasi është shpallur kampion me Elbasanin, Dinamon dhe Skënderbeun në Shqipëri, arrin një tjetër titull, kësaj here në Kosovë.

Ballkanit i kanë mbetur edhe katër xhiro, të cilat do t’i luajë sa për statistika. Në duelet tjera, Dukagjini mposhti Ulpianën, kurse Prishtina e deklasoi Feronikelin. Të dy ekipet, Ulpiana dhe Feronikeli veçse janë përshëndetur me Superligën këtë edicion.

(BalkanWeb)