Dhjetëra banorë të fshatit Guras kanë dalë në protestë duke bllokuar rrugën kryesore që të çon në këtë fshat.
Protesta e tyre lidhet me gjendjen e rrugës e cila është dëmtuar para disa muajsh si pasojë e punimeve për kanalizimet e ujërave të zeza.
Ata kërkuar që bashkia e Pogradecit t’u shtrojë rrugën me standard në të kundërt do të vijojnë me protestat.
Pas protestës banorët janë paraqitur pranë njësisë administrative Buçimas ku kanë dorëzuar një ankesë, e cila i dorëzohet Bashkisë së Pogradecit për të pritur nga kjo e fundit një përgjigje.
E deri në atë kohë banorët e fshatit Guras do të qëndrojnë mes pluhurit dhe baltës.