“Ndjehesha gati për një jetë më normale, e kërkoja prej kohësh. Përpara të 30-ave kam jetuar një periudhë intensive, vitale, por edhe stresuese. Në një pikë zgjodha të reduktoj ritmet e punës dhe të udhëtoj më pak. E ndjeva të nevojshme të gjeja një dashuri dhe të krijoj një familje’. Bar Refaeli nuk është më top modelja e dikurshme e cila ishte fejuar me Leonardo Di Caprio.

Tani është një top e dashuruar me familjen e saj, e vetëdijshme për bukurinë dhe botën e saj.

Për të përjavshmen Grazia ajo tregon për jetën e saj si bashkëshorte e milionerit Adi Ezra dhe si nënë e dy fëmijëve Liv, një vjeç e gjysëm dhe Elle 5 muajshe. ‘Është bota ime, por jo e vetmja që unë kam. Kam punën time dhe ai s’më ka penguar kurrë në karrierën time. Adi është bota që mbush edhe botët e tjera, sepse gjëja më e rëndësishme në dashuri është të mos harrojmë që jashtë çiftit është një tjetër univers’, tregon Bar.

U bëra nënë e dy fëmijëve në një kohë shumë të shkurtër, por nuk kam ndërmend të ndaloj: ’Kam vendosur të pushoj një vit ose dy, por kam dëshirë të kem të tjerë fëmijë’, thotë modelja. Nuk kam frikë për formën time fizike, sepse unë bëj sport dhe është e lehtë për mua të humb kilogramë.
Të bësh fëmijë është gjëja më e bukur në botë, sepse të lejon të zbulosh aspekte të tjera për veten…’.
(da.xha/BalkanWeb)