Barack dhe Michelle Obama festuan dje tridhjetë vjet jetë bashkëshortore. Me rastin e përvjetorit të tyre ata kanë shkëmbyer urime dashurie dhe përkushtimi në rrjetet sociale.

“Pas 30 vitesh, jam i sigurt pse ti je saktësisht e njëjta dhe unë nuk jam”, shkruan ish-presidenti amerikan në postimin e tij, duke postuar një foto nga dasma e tyre dhe një nga çifti në plazh. “Ajo që di është se fitova lotarinë atë ditë dhe nuk mund të kisha kërkuar një partnere më të mirë. Gëzuar e dashur”, ka shkruar Barack Obama në Twitter.

Bashkëshortja e tij ka bërë një postim në Instagram me foto të çiftit nga shëtitja e përbashkët në plazh, si dhe dasma e tyre: “Gëzuar përvjetorin burrit që dua. 30 vitet e fundit kanë qenë një aventurë dhe jam mirënjohëse që të kam pasur pranë. Urime për një jetë së bashku. Të dua”.

Barack dhe Michelle Obama kanë dy vajza, Malia dhe Sasha dhe herë pas here kanë bërë deklarata për marrëdhënien dhe familjen e tyre. Madje, nuk janë të pakta rastet që thashethemet i duan në prag të ndarjes. Vetë Barack Obama, megjithatë, ka deklaruar në një podcast ku ka folur për familjen e tij dhe rolin e tij si baba:

“Në vitet e para të martesës, Michelle dhe unë bëmë secili punën tonë në punë. Pastaj filluam të përpiqeshim të kishim fëmijë. U desh pak kohë. Michelle pati dy aborte dhe ne duhej të punonim për këtë. Kur më në fund lindi Malia, ne ishim më se gati për t’u bërë prindër. Sasha është shumë e sigurt për pikëpamjen e saj për botën dhe nuk ka frikë nga ngacmimet dhe është e dashur dhe e qeshur. Edhe Malia, është gazmore. Është ajo që i pëlqen njerëzit, e shijon jetën dhe bisedat. Nuk bëhet kurrë e mërzitshme dhe ky është një tipar i paluajtshëm me të cilin mund të arrish shumë.” Barack dhe Michelle u takuan kur ishin studentë të drejtësisë dhe që atëherë janë të pandarë.

(BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: