Ishte folur shumë dhe më në fund Ronald Koeman do të ketë shërbimet e sulmuesit që e kërkoi me ngulm që në ditën e parë si trajner i Barcelonës. Memphis Depay bashkohet me skuadrën katalunjase, pas një tratative të gjatë mes palëve. Sulmuesi holandez kishte zgjedhur prej kohësh, por klubit “blaugrana” iu desh të bindë Lyon.
Ky mision u arrit për 30 milion euro, një shifër e rëndësishme që Barcelona shpenzon për dhuratën e parë të rëndësishme për Koeman. Depai do të firmosë një kontratë 4-vjeçare dhe në ditët në vazhdim do të bëjë prezantimin zyrtar. Futbollisti 26-vjeçar ishte në listën edhe të klubeve të tjerë të rëndësishëm të Europës, por në zgjedhjen e tij një ndikim të madh kishte Ronald Koeman, trajneri që i ka besuar shumë në kombëtaren e Holandës.
(balkanweb)