Dëshira e Barcelonës për të transferuar Lautaro Martinez është e njohur nga të gjithë, janë të qartë edhe në shtëpinë zikaltër por nëse “demi” do të largohet kjo do të ndodh vetëm sipas kushteve të Inter. Është i qartë dhe i prerë në këtë pikë drejtori sportiv, Piero Ausilio: “Sa i përket Martinez ka vetëm një rrugë për ta larguar nga Inter, çdo skuadër që dëshiron shërbimet e tij duhet të paguaj klauzolën e largimit. Është një klauzolë që të gjithë e dimë, është e kotë ta fshehim, është një klauzolë e cila flet qartë si në kohën e skadencës ashtu edhe në çmim. Martinez ka një klauzolë e cila i skadon në ditën e para të korrikut, pra nuk zgjat përgjithmonë dhe është e vetmja mënyrë për ta larguar nga Inter. Në këto momente ne nuk po diskutojmë më askënd për largimin e Martinez, përkundrazi ne kemi shumë besim tek Martinez, e konsiderojmë si aset të klubit, të mos harrojmë që ai ka dhe 3 vite kontratë me Inter.

Ne, lojtarët më të rëndësishëm nuk kemi ndërmend ti largojmë, përkundrazi dëshirojmë që së bashku të përforcohemi edhe më shumë, kjo vlen edhe për Martinez”, u shpreh drejtori sportiv i Inter duke pranuar në fund se Barcelona është klubi që interesohet më shumë për Martinez: “Shumë shoqëri na kanë kontaktuar dhe janë interesuar për Martinez, mes tyre, me e vendosura është Barcelona, nuk mund ta mohoj por gjithashtu mund t’iu them se Barcelona e di shumë mirë se cili është qëndrimi ynë për Martinez, e ritheksoj dhe një herë, Martinez ka një klauzolë.
(BalkanWeb)