Kreu i Partisë Demokratike, Lulzim Basha, vijon takimet me biznesin e vogël në vend, i cili është goditur nga kriza e pandemisë së koronavirusit.

Sot, kreu i PD është ndalur në Njësinë Nr. 11 në Tiranë, ku është takuar me qytetarë dhe sipërmarrës të vegjël, duke dëgjuar shqetësimet e tyre për krizën e thellë ekonomike.

Mes të tjerash, Basha është shprehur se Edi Rama ka braktisur shqiptarët gjatë dhe pas pandemisë duke mos ofruar asnjë ndihmë konkrete.

Mesazhi i Bashës:

Në Njësinë Administrative Nr. 11 në Tiranë u takova me qytetarë dhe sipërmarrës të vegjël të shqetësuar për krizën e thellë ekonomike që ka prekur familjet shqiptare.

Edi Rama i braktisi shqiptarët si gjatë dhe pas pandemisë duke mos ofruar asnjë ndihmë konkrete, duke i varfëruar dhe më shumë qytetarët e duke çuar drejt falimentit biznesin e vogël.

Kriza e thellë ekonomike ka vetëm një zgjidhje: Kthimin e vëmendjes tek shqiptarët dhe një qeverisje normale. Ne do t’i rikthejmë qytetarëve një ekonomi të fortë dhe të qëndrueshme, për të rritur mirëqënien dhe për të ulur papunësinë.

(BalkanWeb)