Kreu i PD, Lulzim Basha ka komentuar vizitën e tij të fundit në Lundër të Tiranës ku u takua me familjen në nevojë të Ramazan Lecit.
Basha thotë se Leci e njohu me situatën e vështirë, mungesën e ndihmës nga shteti, teksa shumica e familjeve shqiptare në zonat rurale kanë të njëjtin fshat.
Nga ana tjetër lideri demokrat siguron se shqiptarët e dinë që me programin e PD fiton familja dhe gjithë shqiptarët. Ai nuk harron edhe një mesazh për kryeministrin ”Më 25 prill, Shqipëria fiton dhe Edi Rama humb!”.
STATUSI NGA LULZIM BASAH
Sot vizitova familjen e Ramazan Lecit në Lundër të Tiranës, për të diskutuar programin e Partisë Demokratike për familjen. Gjatë bisedës Ramazani më njohu me situatën e vështirë ekonomike të familjes së tij. Njerëz që nuk i kanë mbetur kurrë shtetit borxh, nuk e shohin dorën e ndihmës as në ditët më të vështira. Shumica e familjeve shqiptare në zonat rurale kanë të njëjtin fat. Paguajnë taksa, paguajnë çdo faturë që u shkon nga qeveria dhe bashkia, dhe në këmbim nuk marrin asnjë shërbim apo ndihmë.
I shpjegova Ramazanit se si programi ynë e vë familjen në qendër të tij dhe sesi do t’i japë fund shpërfilljes së kësaj qeverie për familjet shqiptare. Ne do ta nisim mbështetjen me familjen që në hapat e saj të parë. Do të financojmë 100% interesat e kredive për shtëpi për 5000 çifteve të reja çdo vit. Për çdo të porsalindur do të japim 30 mijë lekë të vjetra/muaj deri në moshën 5 vjeç. Për fëmijët në moshë shkollore, ne angazhohemi të sigurojmë tekstet falas, shkollë gjatë gjithë ditës dhe ushqim në shkollë. Dhe për 90% të studentëve ne do të financojmë 100% të tarifës së studimit.
Tashmë shqiptarët e dinë se me këtë program fiton familja shqiptare, fitojnë të gjithë shqiptarët. Më 25 prill, Shqipëria fiton dhe Edi Rama humb!
(BalkanWeb)