Kryetari i PD, Lulzim Basha ka shkuar në selinë e LDK ku ka takuar nënkryetarin Agim Veliu në mungesë të kryetarit Isa Mustafa.
Mustafa është prej ditësh i infektuar me COVID-19 dhe Basha i uroi atij shërim të shpejtë ndërkohë që theksoi se LDK, si parti simotër e PD, është shtyllë stabiliteti në Kosovë në investimin e saj 30- vjeçar për objektivat e saj.
”Falenderoj nënkryetarin e LDK, për pritjen e ngrohtë e vëllazërore. Përsëris urimet e mia për rekuperim sa më shpejt të Isa Mustafës. Në takimin në selinë e partisë sonë simotër, LDK, vlerësoj rolin e saj si shtyllë e stabilitetit në Kosovë për investimin 30 vjeçar për objektivat e Kosovës, anëtarësimin në NATO. Çfarë përbëjnë dhe shtabin e përbashkët të partive tona si anëtare në PPE.”- tha Basha.
(BalkanWeb)