TIRANE- Kreu i partisë Demokratike Lulzim Basha duket i vendosur në realizimin e vettingut në politikë. Kësaj ideje ai i ka mëshuar edhe mbrëmjen e sotme, ku përmes një video mesazhi ai tregon se cilat janë pesë rregullat kryesore për vettingun e politikanëve.
Së pari, vettingun e politikanëve nuk do ta bëjë politika, nuk do ta bëjë Kuvendi.
Së dyti, struktura e vettingut do të përbëhet nga profesionistë të pavarur nga politika.
Së treti, vettingu i politikanëve do të ketë mbikëqyrje ndërkombëtare.
Së katërti, vettingu i politikanëve do të jetë krejtësisht i pavarur nga ai i drejtësisë.
Dhe së pesti, vettingu i politikanëve do të jetë i thjeshtë dhe transparent si dekriminalizimi, i cili nxori nga Kuvendit dhe zyrat e shtetit 333 persona me të kaluar kriminale.
(BalkanWeb)
