BERAT

Anëtarja e Kryesisë së LSI-së, Elona Guri,  ka publikuar një foto nga Berati së bashku me drejtuesin politik të këtij qarku, Ardit Çelën, doktor Blenard Nonaj dhe Silva Cakën.

Krahas fotos, Elona Guri thotë se “Ne jemi bashkë për të bërë ndryshimin dhe rrugën tonë s’mund ta ndalin as “të fortët dhe as të shiturit”.

“Jam e lumtur të jem me Arditin dhe Blenardin dy ish studente të shkëlqyer, profesionistë të aftë dhe menaxherë që kanë dhënë kontributin e tyre duke ndryshuar rrënjësisht institucionet ku kanë drejtuar.
Rrugën tonë të ndryshimit dhe integrimit nuk mund ta pengojnë dot as “të fortët”, as të shiturit dhe as të blerët, aq më shumë të lodhurit dhe “pleqtë” politikë pa asnjë ideal.” shkruan ajo.

Postimi i plotë i Elona Gurit në Facebook: 

Në Berat së bashku me Ardit Çelën, drejtuesin politik të LSI për Qarkun e Beratit, doktor Blenard Nonaj dhe Silva Cakën.

Jam mes njê ekipi profesionistësh të rritur në LRI së bashku. Në LSI për të vijuar rrugën tonë për ndryshimin e Shqipërisë, për të bërë realitet aspiratën e çdo të riu, integrimin e Shqipërisë në BE.
Jemi bashkë për të bërë të mundur fitoren e madhe të 25 prillit.
Fitoren e Rinisë mbi llumin politik të nënshtrimit, fitoren e idealit të një Shqipërie që është shtëpi për çdo shqiptar mbi pazaret e pista ku çdo njeri është kthyer në “mall”, i cili e ka datën e skadencës në 25 prill.

Jam e lumtur të jem me Arditin dhe Blenardin dy ish studente të shkëlqyer, profesionistë të aftë dhe menaxherë që kanë dhënë kontributin e tyre duke ndryshuar rrënjësisht institucionet ku kanë drejtuar.
Rrugën tonë të ndryshimit dhe integrimit nuk mund ta pengojnë dot as “të fortët”, as të shiturit dhe as të blerët, aq më shumë të lodhurit dhe “pleqtë” politikë pa asnjë ideal.

Jemi së bashku me çdo të ri, profesionist, grua, burrë, me çdo biznesmen të ndershëm që kërkojnë të ndërtojnë të ardhmen e tyre në Berat, në të gjithë Shqipërinë!
Jemi bashkë për të bërë të mundur çlirimin e tregut nga monopolet dhe PPP, jemi bashkë për fermerët që të kenë mundësi tregu dhe prodhimet e tyre, mundi dhe djersa e tyre të kthehet në vlerë dhe jo të derdhet kanaleve dhe të kalbet fushave.
Jemi bashkë për Shqipërinë!

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb