Basketbollisti malazez i ekipit të Vllaznisë, Nikola Xhokoviç, ka ironizuar takimin e kryeministrit Edi Rama me strukturat e PS-së në Shkodër.
Në një status të publikuar në profilin e tij në rrjetin social “Facebook”, Xhokoviç shkruan se shkak për shtyrjen e stërvitjes te ekipi i tij u bë zënia e fushës nga organizatorët e mitingut, shkruan Panorama Sport.
“Tubimi politik është arsyeja pse sot nuk ka trajnim. Faleminderit politikës”,-ka shkruar ai, ndërsa ka postuar edhe dy foto nga salla që tregojnë zënien e ambienteve sportive.
Kryeministri Edi Rama zhvilloi pasditen e së martës një takim me strukturat e Partisë Socialiste në Shkodër. Në këtë takim, morën pjesë anëtarë të PS-së dhe deputetët socialistë të qarkut.
Ndërkaq, në një koment të shkurtër, Rama vlerësoi pritjen që iu bë nga të pranishmit. “Supertakim ne Shkoder faleminderit me mirenjohje vajzave e djemve qe erdhen me kaq shume energji pozitive ne Partine Socialiste #Krenarper PS”,-ka shkruar Rama në profilet e tij në rrjetet sociale.
(m.k/BalkanWeb)