Dritarja e transferimeve mund të sjellë surpriza. Një prej tyre është paralajmëruar nga AS. E përditshmja spanjolle shkruan se në rast se Lewandowski largohet nga Bayerni, kampionët e Gjermanisë do ta zëvendësojnë atë me Cristiano Ronaldon.
Polaku Leëa e ka thënë publikisht se kërkon të ndërrojë mjedis dhe kjo hipotezë qëndron e gjallë, pavarësisht rezistencës së bavarezëve.
Në krahun tjetër, Ylli Ronaldo është i pakënaqur me Manchester United. “Djajtë e kuq” nuk po i përgjigjet siç duhet në merkato konkurrentëve, të cilët kanë siguruar shërbimet e Erling Haaland dhe Darwin Nunez (Manchester City dhe Liverpool). Në këto kushte, ekipi nga Manchesteri e ka pothuajse të pamundur të rivalizojë për titullin kampion dhe CR7 po mendon seriozisht gjetjen e një skuadre të re.