Emanuel Neuer më në fund është rikthyer në fushat e lojës pas një dëmtimi që e la larg për 8 muaj. 32-vjeçari u aktivizua kundër Austrisë në miqësore, por për formën e tij ka shumë pikëpyetje.

Jo vetëm Gjermania e cila po përgatitet për Botërorin, por edhe Bayern Mynchen dyshon nëse portieri do të rikthehet të jetë ai i mëparshmi. Për këtë arsye sipas “The Sun” klubi gjerman po kërkon për të gjetur zëvendësuesin.

Sipas tyre bavarezët do tentojnë të afrojnë në skuadër portierin e kombëtares britanike dhe të Evertonit, Jordan Pickford. 24 vjeç, është përzgjedhur në kombëtaren britanike në Kupën e Botës “Rusi 2018”, ndërsa Neuer, 32 vjeç, ka qëndruar 8 muaj pushim për shkak të dëmtimit në këmbë.

Neuer, një nga senatorët e Bayern dhe kombëtares gjermane (74 ndeshje), ka gjithë Botërorin në dispozicion për të treguar se është ende një portier i vlefshëm për kampionët dhe se mund të bëjë diferencën në fushë. Ndërsa Pickford pritet të jetë portieri titullar i Anglisë në Botërorin rus dhe në rast të një oferte të mirë nga Gjermania mund të lërë Premier League për të luajtur në Bundesligë dhe në Champions sezonin e ardhshëm. Problem për Bayern do të jetë rivaliteti me Manchester United, që mund të marrë Pickford në rast se De Gea vendos të largohet dhe të rikthehet në Spanjë.