Real Madrid nuk njeh limite në merkato, është rikthyer sërish të bëjë atë që di më mirë, të rrëmbejë yjet e futbollit botëror për të nisur një tjetër cikël nga e para. Në kohën kur merkato ende nuk është ndezur, presidenti Perez ka vënë në jetë 6 goditje të rëndësishme, ku mungon ende “qershia mbi tortë”, tifozët kërkojnë Mbappe. Organika e madrilenëve është fryrë aq shumë sa aktualisht Reali ka në dispozicion 35 lojtarë. Në këto kushte janë të detyruar të shesin me çdo kusht, të paktën 12 lojtarë.

Bale Real Madrid
Bale Real Madrid

I sakrifikuari i parë pritet të jetë Garteh Bale, me uellsianin e cili e ka të qartë pozicionin e tij, te Reali nuk ka më vend për të. Përveç ofertave të vazhdueshme nga Premier League, sipas të përditshmes britanike “The Sun”, Bayner Munich është një tjetër skuadër e cila është futur në garë për të siguruar shërbimet e Bale.

Bale
Bale

Sulmuesi uellsian shihet si zëvendësuesi ideal i dyshes Robben-Ribery. Bayern kërkon të transferoj Bale në formë huazimi me të drejtë blerje pas një viti, praktikisht e njëjta formulë që përdoroi edhe me James Rodrgiues.

Dy klubet, Bayern dhe Real, kanë një marrëdhënie të shkëlqyer ndërmjet tyre, nga ana tjetër rekordmenët e futbollin gjerman janë një skuadër ideale për Bale për të nisur gjithçka nga e para, një skuadër që i premton trofe dhe një rol si protagonist.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb