7 fitore në 7, Bayern vijon ecurinë perfekte në këtë edicion të Champions, pa diskutim suksesi në transfertë përballë PSG kënaq trajneri Julian Nagelsmann: “Kemi luajtur shumë mirë në 25 minutat e para, nuk e prisnim që PSG të ishte aq pasiv. Ishte një pjesë e parë e mirë, ashti si fillim i së dytës, më pas ishte një ndeshje me goditje nga të dy anët.
Sa shanse kemi për të kaluar më tej? Sigurisht që nuk do të jetë e lehtë, e pamë se çfarë ndodhi kur në fushë u fut Mbappe”, u shpreh ndër të tjera Nagelsmann.
Atmosfera në radhët e PSG pas kësaj humbje nuk është pozitive, por trajner Galtier beson se kualifikimi është ende i hapur:
“Sigurisht që ka zhgënjim, por të gjithë e dinim se kualifikimi nuk vendosej sot. Duhet kuptuar se me çfarë grupi do të luajmë pas tre javësh, në çfarë gjendje do jemi”, theksoi trajneri i PSG.
Tifozët e PSG, shpresojnë që në Mynih, në ndeshjen e kthimit Kylian Mbappe të bëj diferencën, impakti i tij në lojë ishte shumë i dukshëm: “Bëra gjithçka për të qenë prezent në këtë sfidë, punova ditë e natë. Ne duhet të kujtojmë fundit e kësaj ndeshje, u pa qartë se mund t’i bënim keq. Tani të shkojmë në shtëpi dhe të mundohemi t’i mposhtim ndeshjen e kthimit”, u shpreh Mbappe.
(BalkanWeb)
