Bashkimi Europian është shumë afër arritjes së marrëveshjes për një raund të gjashtë sanksionesh kundër Rusisë. Lajmi është bërë i ditur nga Përfaqësuesi për Politikat e Jashtme dhe Sigurisë së BE, Josep Borrell.

“Ata janë pothuajse gati. Dhe ne kemi nevojë për këtë marrëveshje sepse ne duhet të shtyjmë akoma më shumë presionin tonë ekonomik dhe financiar mbi Rusinë”, tha Borrell në një ngjarje në Itali, raportoi BBC.

Dje Komisioni i BE-së propozoi që raundi tjetër i sanksioneve të përfshijë një ndalim me faza të importeve të naftës ruse, i cili nëse miratohet do të ishte masa e tij më e ashpër kundër sektorit energjetik rus deri më sot.
(BalkanWeb)