Berat Gjimshiti thyen etapat e rikuperimit. Mbrojtësi i Kombëtares lë pas krahëve dëmtimin dhe grumbullohet për ndeshjen e radhës të Atalantës, atë në shtëpi kundër Manchester United, e vlefshme për Champions League.
28-vjeçari u dëmtua në sfidën ndaj Hungarisë në Budapest, duke thyer krahun. Ai menjëherë kreu një operacion dhe pas më shumë se tri javësh, thuajse është gati. Mbrojtësi kuqezi humbi 4 ndeshje në Serie A me Atalantën dhe 1 në Ligën e Kampionëve duke qenë një mungesë e rëndësishme.
Gjithsesi, pavarësisht grumbullimit, trajneri Gasperini nuk mendohet ta aktivizojë kundër Manchester United, sepse do të ishte me rrezik të madh. Ky mund të jetë një lajm i mirë për Kombëtaren shqiptare, pasi pas 10 ditësh do të luajë në Wembley përballë Anglisë.
? Mister #Gasperini ritrova anche Berat #Djimsiti!
? Questi i 21 convocati per #AtalantaManUtd!? Djimsiti back in the squad list!
? Here are the 21 Nerazzurri called up for tomorrow!Presented by @intesasanpaolo #UCL #GoAtalantaGo ⚫️? pic.twitter.com/ruXe6KIbl7
— Atalanta B.C. (@Atalanta_BC) November 1, 2021
Por së pari, Gjimshiti duhet të marrë minuta, të paktën në ndeshjen e fundjavës që Atalanta ka për të luajtur në transfertë kundër Cagliarit. Situata e Gjimshitit do të shikohet ditë pas dite për të vendosur në fund se çfarë do të bëhet.
(BalkanWeb)