BERAT – Një operacion masiv antidrogë është zhvilluar ditën e sotme në Skrapar e Berat. Aksioni policor u zhvillua në fshatin Përparim, si dhe në rrugën nacionale Poliçan-Bogovë.
Policia bën me dije se në 3 banesa janë sekuestruar sasi të konsiderueshme lënde narkotike. Në rrugën nacionale Poliçan – Bogovë, si rezultat i zhvillimit të operacionit, është gjetur e braktisur një tjetër sasi e konsiderueshme lënde narkotike e futur në thasë.
Sasia e lëndës narkotike e sekuestuar deri në këto momente është përafërsisht 1.5 ton por mund të shkojë deri në dy, shkruhet në njoftimin e policisë. 6 persona janë shoqëruar në polici si të lidhur me lëndën narkotike, ndërsa 3 të tjerë janë shpallur në kërkim.
(e.f/BalkanWeb)