Bernard Arnault, njeriu më i pasur në botë, humbi 11.2 miliardë dollarë nga pasuria e tij në vetëm një ditë mes shqetësimeve se një ngadalësim i ekonomisë amerikane do të reduktojë kërkesën për mallra luksi.
Themeluesi i LVMH – portofoli i të cilit përfshin çanta dore Louis Vuitton, shampanjë Mowt & Chandon dhe krijime Christian Dior – e pa pasurinë e tij të rritet për pjesën më të madhe të vitit 2023 ndërsa vlera e aksioneve në kompanitë luksoze evropiane u rrit.
Siç raporton Bloomberg, të martën, ai humbi disa nga këto fitime. Aksionet e LVMH ranë 5 për qind në Paris – rënia e tyre më e madhe në më shumë se një vit – mes një rrëshqitjeje më të gjerë që fshiu rreth 30 miliardë dollarë nga sektori i luksit evropian.
Megjithatë, edhe pas shitjes, miliarderi francez ende ka një vlerë neto prej 191.6 miliardë dollarësh, sipas Indeksit të Miliarderëve të Bloomberg. Pasuria e tij është rritur me 29.5 miliardë dollarë deri më tani këtë vit.
Hendeku midis pasurisë së Arnos dhe Elon Musk të Teslës, njeriu i dytë më i pasur në botë, është zvogëluar në vetëm 11.4 miliardë dollarë.
