Real Madrid siguroi një biletë për në finalen e Champions League, pas një mbrëmje të çmendur, një fitore me përmbysje në çdo aspekt: “Të paktë ishin ata që besonin, por lojtarët e mi e bënë diçka të tillë, këtij stadiumi i mjafton vetëm një shkëndijë. Këtë gjë e di shumë mirë PSG, e dinë edhe skuadra të tjera. Jemi një skuadër e madhe një grup i madh.
Finalja me Liverpool? Do të jetë një finale e madhe, do të jetë bukur të jesh sërish aty”, u shpreh Ancelotti pas ndeshjes.
“Duhet të kishim luajtur pak me kohën, kishim mundësi ta administronim më mirë, por ata erdhën shpesh në zonën tonë, në fund realizuan ato dy gola. Na shënuan dy gola, ata janë të aftë ta bëjnë diçka të tillë, historia e vërteton këtë, tani do të përballen në finale me Liverpool dhe do të jetë një finale e madhe”, u shpreh Guardiola.
(BalkanWeb)
