Është shoqëruar me tensione procesi i numërimit të votave në Njësinë nr. 7 në Tiranë.

Mësohet se shkak për tensionet është bërë fakti se në këtë njësi të kryeqytetit ka një rezultat shumë të ngushtë, deri më tani, mes dy forcave kryesore politike, PS e PD.

Në videon që sjell “BalkanWeb” shihet momenti kur ministrja e Drejtësisë, Etilda Gjonaj, debaton me një vëzhgues, ndërsa nuk dëgjohet biseda mes tyre.

Në një reagim në “Facebook”, Gjonaj thekson se “Vota numërohet dhe askush nuk mund ta tjetërsojë vullnetin e qytetarëve as me laps e as me bojë . PS udhëheq bindshëm te Njësia 7! “.

(BalkanWeb)