KOSOVA

Kosova ka shënuar një bilanc të ngjashëm me atë të një dite më parë duke regjistruar 2 viktima nga COVID-19 dhe 61 raste të reja.

Bie në sy se numri i të shëruarve mbetet i lartë, pasi 119 pacientë fituan betejën me COVID-19 në 24 orët e fundit.

Ndërkohë viktimat në total tashmë në Kosova kë arritur në 613 kurse të infektuarit e ka kaluar 15 mijën.

Sa i përket rasteve të sotme, Prishtina mban kryesimin me 19 të infektuar dhe ndjekin më pas Komunat e tjera me shifra njëshifrore.

NJOFTIMI NGA IKSHPK

119 TË SHËRUAR DHE 61 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 464 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 61 raste pozitive. Brenda 24 orëve janë raportuar 2 raste të vdekjes me SARS CoV-2 pozitiv (1 rast nga spitali rajonal i Gjilanit dhe 1 rast nga Mjekimi Intensiv Qendror-COVID).

Numri total i rasteve pozitive është 15.063 raste nga 62.011 persona të dyshimtë në virusin SARS-CoV-2 dhe 613 raste të vdekjes.

Gjatë 24 orëve të fundit, janë shëruar 119 pacientë derisa numri i përgjithshëm i të shëruarve deri më sot është gjithsej 12.570 raste, kurse numri i rasteve aktive është 1.880.

Rastet pozitive janë nga: komuna Prishtinë 19 raste, komuna Vushtrri 8 raste, komuna Prizren 7 raste, komuna Fushë Kosovë 5 raste, komuna Gjilan 4 raste, komuna Pejë 4 raste, komuna Ferizaj 3 raste, komuna Istog 3 raste, komuna Deçan 2 raste, dhe me nga një rast komunat Drenas, Malishevë, Obiliq, Podujevë Skenderaj dhe Suharekë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb