Kristal Abazaj mund të jetë blerja e fundit e çmendur e Tiranës këtë verë. Lojtari që aktivizohet në kampionatin turk me Istambulsporin që militon në Ligën e Parë, prej disa menaxherëve u është ofruar bardhebluve.

Edhe pse Tirana ka afruar shumë lojtarë cilësorë këtë verë, një afrim i Abazajt do të thoshte që bardheblutë të ishin skuadra bombë në Shqipëri.

Në fakt, Abazaj për një kampionat ka qenë te skuadra e shqiptarëve ku janë Rroca dhe Ethemi.

Sulmuesi i krahut të majtë dhe të djathtë, mesa kuptohet, mund të ndërrojë ambient dhe duke parë ambiciet e bardhebluve të firmosë për ta.

Palët kanë pasur disa bisedime, por ende nuk është konkretizuar asgjë.

Nëse gjërat shkojnë mbarë, mund të kemi firmën e Abazajt me Tiranën dhe 25 herë kampionët do të konsideroheshin të papërmbajtshëm./panoramasport