Ministri i Brendshëm, Bledi Çuçi ka komentuar dorëheqjen e Ardi Veliut nga detyra e drejtorit të Policisë së Shtetit. Ai tha për ‘Opinion’ se nuk ka ushtruar presion te Veliu për të marrë vendimin e tij që të hiqte dorë nga detyra.

Çuçi tha se Veliu dha vet dorëheqje, ndërsa shtoi se ditën e nesërme do të zyrtarizohet Drejtori i ri i Policisë.

Dha dorëheqjen Veliu apo e dorëhoqën?
Jo, dha dorëheqjen absolutisht. Në jemi në fillimin e një mandati të ri dhe ai e ka gjykuara që të japi dorëheqjen. Por, pa diskutim është një dorëheqje jo e shtyrë apo presion, por është një dorëheqje që ai e ka marrë gjatë të ushtrimit të mandatit me sukses, sipas meje. Unë isha në Komision Parlamentar atje një tjetër dialogu dhe shprehja u keqkuptuat nga mediat, nuk kemi të bëjmë me shkarkim. Është e vërtetë që Ardi Veliu ka dhënë dorëheqjen e nuk është shkarkuar se nuk ka pasur arsye.

Kur e kishit informacionin që Veliu do jepte dorëheqjen?
Informacionin e mora pasi mbarova komisionin e sigurisë që Ardi Veliu dha dorëheqjen. E vërtet është që me kryeministrin që ne kemi vëmë objektivat për 4-vjeçarin e ardhshëm që do kishte një kërkesë të shtuar ndaj policisë.

A kishte lidhje dorëheqja e Ardi Veliut me afatin 100 ditor për të vendosur kontroll rendin në përgjithësi?
Përgjithësisht ka qenë një përpjeke e mirë nga ana e Policisë, dhe pse kërkesat janë më shumë. Dhe besoj se në këtë pikë duhet të bëjmë më shumë.

Cilat janë pakënaqësitë ndaj Veliut?
Unë kam pakënaqësi dhe ndaj vetes time. Pakënaqësi që kam ndaj vetes i rreshtoj çdo ditë në mëngjes kur ulem në tavolinën e ministrit. Me bindjen të plotë që me Veliun kemi pasur bashkëpunim të mirë.

Kush do të jetë drejtor i ardhshëm i Policisë së Shtetit?
E lëmë për nesër, të keni lajmë për nesër.

A do jetë Gledis Nano drejtori i Policisë?
Nano është një nga kandidurat por ne nesër mbledhim qeverinë.

(BalkanWeb)