Një nga miqtë e ngushtë të Blendi Fevziut është analisti i njohur Baton Haxhiu, i cili e surprizoi me anë të një videomesazhi.

Baton Haxhiu tha se te Blendi ai vlerëson profesionalizmin, miqësinë dhe dashurinë e tij për të tjerët. “Jam krenar që të kam patur, të kam dhe do të të kem mik”, tha ai ndër të tjera.
Blendi nuk i priste këto fjalë dhe mes emocioneve u shpreh se Batoni është nga ata miq të rrallë që sa herë ke nevojë për të ai është aty.

Ndërkohë për rëndësinë e miqësisë në përgjithësi Fevziu tha se nuk e përshkruan dot me fjalë, por theksoi se ka patur të njëjtët miq gjithmonë. “Miqësitë më të sinqerta janë kur interesi nuk është në mes”, theksoi ai.

Teksa tregoi për pasionin që ai ka për udhëtimet tha se shumë vende është i detyruar t’i vizitojë vetëm për shkak se jo të gjitha janë turistike dhe zbuloi se ai që guxon më së shumti ta shoqërojë është Baton Haxhiu. Blendi Fevziu tha me krenari se ka vizituar 118 vende te botës.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb