Paris Sën Zhërmeni ka qenë në shënjestër të UEFA-s në lidhje me shpenzimet marramendëse që klubi francez ka kryer vitet e fundit, që kur u ble nga sheiku Al Khelaifi. Duke qenë se UEFA i ka cilësuar si të pakontrolluara shumë nga veprimet financiare të klubit nga kryeqyteti francez, kishte hapur një hetim ndaj tij.
Hetimi kishte të bënte me 2 transferimet e bujshme të Nejmar, i cili është edhe futbollisti më i shtrenjtë në botë, por dhe për transferimin e Kilian Mbape. Të dy këta futbollistë i kushtuan arkave të klubit shifrën e majme prej 400 milionë eurosh.
Megjithatë, çdo gjë është mbyllur sot dhe Gjykata e Arbitrazhit Sportiv në Lozanë, është shprehur në në favor të francezëve duke i vënë kapak përfundimisht hetimit mbi gjendjen financiare të PSG, që tashmë mund të marrë frymë lirisht dhe të bëhet gati për një tjetër verë bombastike në merkato.
(BalkanWeb)