Qeveria britanike ka lehtësuar në mënyrë të njëanshme një tjetër element të marrëveshjeve të diskutueshme të Brexit që rregullojnë tregtinë me Irlandën e Veriut.

Ndalimi i importit të bimëve të mbjella në vazo nga BM në rajon është hequr përkohësisht.

Ndërsa shumica e mallrave agroushqimore janë ose do të jenë subjekt i proceseve shtesë rregullatore për të hyrë në Irlandën e Veriut, sipas kushteve të Protokollit NI të Brexit, disa janë ndaluar plotësisht.

Lista e ndalimeve përfshin bimë ose perime në vazo të mbjella në tokën britanike ose me gjurmë dheu ende në to.

Kjo ka shkaktuar probleme për shumë biznese në Irlandën e Veriut, veçanërisht qendrat e kopshteve.

Masa vjen në një javë kur Londra sapo ka zgjatur gjithashtu periudhat e njëanshme të faljes, që aktualisht kufizojnë kontrollet rregullatore në importet e mallrave agroushqimore me pakicë dhe deklaratat doganore në parcelat BM të dërguara në rajon.//ATSH