Në një komunikim për mediat Sindikata e Arsimit i ka bërë thirrje pedagogëve të bëhen bashkë pasi e ardhmja e arsimit është në rrezik.
Gjatë fjalës së ti pedagogu Lush Susaj, i bëri thirrje edhe studentëve që të bashkohen dhe të marrin fatin e tyre në dorë, dhe jo të marrin gomonet për t’u larguar nga vendi.
Gjithashtu Sindikata ka paralajmëruar bojkot të mësimit më 17, nëse nuk plotësohen kërkesat e tyre.
“Përse të detyrojmë rininë të ikë. Po mbyllen degë jetike. Kush është ai që e çon fëmijën e tij për mësues kur i duhet të futen në portale e shumë e shumë procese të tjera. Punësohet një student që mbaron inxhinieri minierash dhe jo një student që mbaron master shkencor. Thirrje studenteve të reagojnë, thirrje pedagogëve të reagojnë për interesa të kombit dhe jo të interesave personale. Ne po i bëjmë thirrje shtetit me vënë në punë. Nuk duam të ndërrojmë kryeministra”, tha më tej pedagogu.
(BalkanWeb)
