Teatri i njohur moskovit ”Bolshoi” anuloi shfaqjet e dy regjisorëve që janë larguar nga Rusia dhe kanë kundërshtuar publikisht ofensivën ruse në Ukrainë nga posteri i shfaqjeve të planifikuara për në maj.

Në një mesazh të publikuar në Telegram, teatri njoftoi se baleti ‘Nureyev’ dhe opera ‘Don Pasquale’ me regji përkatësisht Kirill Serebrennikov dhe Timofei Kulyabin do të zëvendësohen, pa dhënë arsye, duke mos komentuar anulimin.

“Nuk jam i befasuar”, komentoi Serebrennikov, i cili pasi kritikoi ofensivën ruse në Ukrainë, u largua nga vendi i tij në mars për një çështje “ndërgjegjeje” dhe u transferua në Berlin.

Baleti i tij u zëvendësua nga “Spartaku”.

Kuliabin, një regjisor i ri novator që punon veçanërisht në Novosibirsk, është larguar gjithashtu nga Rusia për në Evropë dhe ka publikuar disa mesazhe kritike për konfliktin në rrjetet sociale.