Këshilltari për sigurinë kombëtare amerikane, John Bolton garantoi sot se SHBA-ja nuk do të tolerojë asnjë ndërhyrje ruse gjatë zgjedhjeve të mesmandatit në nëntor, Uashingtoni është gati të marrë masat e nevojshme.
Bolton u shpreh para medias në përfundim të një takimi prej pesë orësh në Gjenevë me sekretarin e përgjithshëm rus të Këshillit të Sigurimit, Nikolai Patruçev.
“Thashë qartësisht se nuk do të tolerojmë asnjë ndërhyrje në vitin 2018 dhe se jemi gati të marrim masat e nevojshme për të penguar që kjo të mos nodhë”, deklaroi Bolton, gjatë një konference për shtyp, raporton atsh.
Dy personalitetet theksuan se çështja e ndërhyrjeve i kishte penguar të publikonin një deklaratë të përbashkët në përfundim të takimit të tyre, pasi Uashingtoni këkronte që kjo çështje të përmendej, ndryshe nga Moska.