Goglat nuk zhgënjyen as këtë herë, në shortin e Botërorit, ku sollën për shikuesit sfida fantastike si Spanjë-Gjermani, me dy përfaqësueset emblemë të Evropës që u shortuan në Grupin E, së bashku me Japoninë ndërsa mbetet për tu përcaktuar se cila përfaqësuese do ti bashkohet, Kosta Rika apo Zelanda.
Në Spanjë i kanë bërë jehonë pikërisht kësaj përballje, Spanjë-Gjermani: “Bomba e Botërorit”, e cilëson Sport në faqen e parë. “Gjermania ka një problem”, shkruan AS. Në të njëjtën linjë janë edhe të përditshmet e tjera iberike, Marca dhe Mundo Deportivo.
Situata është ndryshe në të përditshmes angleze, thuajse të gjitha janë hapur me imazhin e buzëqeshur të Southgate, fundja për ta konsiderohet një short me fat teksa në Grupin B “peshkuan” dy përfaqësuese si Irani dhe SHBA.
Si gjithnjë në faqet e para britanike nuk mungojnë titujt thumbues si në rastin e The Sun: Është Irani, Haleluja!
Ndërsa të përditshmet italiane, në mungesë të përfaqësueses “azzurre”, i kanë kushtuar shortit të botërorit pak hapësira në faqet e para.
(BalkanWeb)